Një ndihmës i lartë i Kremlinit, Yuri Ushakov, ka reaguar ndaj kundërpropozimeve të paraqitura nga vendet evropiane për zgjidhjen e konfliktit në Ukrainë.
Sipas tij, propozimet e reja “në shikim të parë duken krejtësisht jokonstruktive dhe nuk funksionojnë për Rusinë”, siç raportoi Reuters.
Kundërpropozimi evropian, bazuar në një kopje të qarkulluar në media, përfshirë dhe atë të përmendur nga agjencia e lajmeve Reuters, ndryshon në mënyrë të konsiderueshme formulimet dhe rëndësinë e pikave kyçe që lidhen me NATO-n dhe çështjet territoriale.
Këto ndryshime, sipas Moskës, e bëjnë dokumentin të papranueshëm.
Megjithatë, Ushakov ka treguar një ton dukshëm më të butë ndaj planit origjinal të SHBA-së – i cili është kritikuar nga aleatët e Ukrainës si tepër i favorshëm për Rusinë.
Ai deklaroi se “jo të gjitha, por shumë dispozita të këtij plani na duken mjaft të pranueshme”, duke sinjalizuar se Moska mund të jetë e gatshme të angazhohet më tej me Uashingtonin në këtë fazë negociatash.
