Pas largimit të Dejan Stankovic, Spartak Moscow është në kërkim të një trajneri të ri.
Klubi rus i ka dërguar një ofertë zyrtare Thiago Motta-s, por ka marrë përgjigje negative, sipas asaj që raporton Tuttosport.
Nuk është hera e parë që Thiago Motta refuzon ofertën për t’u rikthyer si trajner pas shkarkimit nga Juventus gjatë sezonit të kaluar.
Gjatë verës Motta refuzoi edhe ofertat e Monaco, Bayer Leverkusen dhe pak kohë më parë atë të Real Sociedad.
Edhe pse është i “papunë” që nga prilli i sezonit të kaluar, Thiago Motta vazhdon të paguhet rregullisht nga Juventus dhe kjo gjë duket se do të vazhdojë deri në fund të kontratës, që është në qershor të vitit 2027.
Paga e Motta-s bashkë me atë të asistentëve të tij shkon rreth 13 milionë euro në sezon, një barrë tepër e rëndë për Juventusin.
