Ditën e premte, e gjeti në qendër të Pejës.
Këtu Hajrie Berdynaj, doli për të kërkuar drejtësi, për ish-fqinjen e saj, Arlinda Zekajn.
Kjo e fundit, u vra me 25 nëntor nga kunati, në shtëpinë e saj në Vitomiricë.
E protestës së paralajmëruar në orën 12:00, i prinë familjarët e viktimës.
Dhimbja për humbjën e më të dashurës së tyre, ishte e madhe.
Fillimisht, me pankarta ne duar, qytetarët marshuan drejt objektit të Komunës së Pejës.
“Në dritën e këtyre zhvillimeve, kërkojmë përgjigje të menjëhershme për këto pyetje kritike: Çfarë masash keni marrë lidhur me dështimin e Qendrës për Punë Sociale në vlerësimin e rrezikshmërisë së rastit? A ka ofruar QPS-ja strehim të përkohshëm deri në marrjen e vendimit fillestar nga gjykata? Pse menaxherja e rastit nuk ka kërkuar mbajtjen e një takimi ad-hoc në kuadër të mekanizmave koordinues kundër dhunës në Komunën e Pejës?”, tha Filiza Mahmutaj, organizatore.
Nga komuna, me thirrjet për drejtësi, protestuesit vazhduan drejt Qendrës për Punë Sociale.
Ndërkaq, ndalesa e tretë ku u kërkua drejtësi të premtën në Pejë, ishte ajo para stacionit policor në Pejë.
“Ne sot nuk jemi mbledhur për të kërkuar mëshirë e as ngushëllime. Jemi mbledhur për t’ia kujtuar Policisë se ata janë fajtorë, ata janë fajtorë që Arlinda nuk është në mesin tonë… Arlinda Zekaj nuk është rasti i parë dhe, nëse institucionet vazhdojnë kështu, nuk kemi asnjë garanci se do të jetë i fundit”, deklaroi Erza Elezaj, organizatore.
Marshi protestues, vazhdoi drejt Gjykatës në Pejë.
E gjithë protesta, përfundoi me thirrjet për drejtësi, para Prokurorisë Themelore në Pejë, ku u hodhën vezë e mjete tymuese.
Prokurorja Suada Rama-Hamza e intervistoi fëmijën e Arlindës pa asnjë psikologu apo të një personi të licencuar nga QPS-ja. Kur Arlinda paraqiti ankesë te kryeprokurorja Lumturie Vuçetaj, kjo e fundit e refuzoi atë.
Ndryshe, organizatorët thonë se protestat ku po kërkohet drejtësi për Arlinda Zekajn, nuk do të ndalen deri në vendosjen e drejtësisë.
