Milan mund të kërkojë sërish të sjellë një qendërsulmues të ri gjatë afatit kalimtar të janarit dhe raportet në Itali pretendojnë se kuqezinjtë mund të tundohen të hidhen për sulmuesin e West Ham United, Niclas Fullkrug, i cili dëshiron largimin.
Milan po shqyrton një shitje të mundshme të Santiago Gimenez, të cilin e nënshkroi nga Feyenoord me një kosto prej 35 milionë eurosh janarin e kaluar, çka do ta linte Massimiliano Allegrin me nevojën për një tjetër opsion në majë të sulmit nëse meksikani do të shitej.
Milan, që zakonisht rreshtohet me skemën 3-5-2, ka përdorur gjithashtu Rafael Leaon, Christian Pulisic dhe Christopher Nkunku në rolet e qendërsulmuesit këtë sezon.
Sipas raporteve nga disa media italiane të martën, përfshirë Corriere dello Sport dhe Calciomercato.com, Milan mund të tundohet të bëjë një lëvizje për Fullkrug gjatë afatit kalimtar të janarit.
32-vjeçari, i cili shkëlqeu me Gjermaninë gjatë Euro 2024, raportohet se dëshiron të largohet nga Londra Lindore në janar dhe mund të jetë një opsion i mundshëm për kuqezinjtë.
Ata kishin shqyrtuar tashmë nënshkrimin e Fullkrug gjatë verës së vitit 2024, para se ai t’i bashkohej West Hamit. Alvaro Morata ishte sulmuesi për të cilin Milan u vendos atë verë.
Duke pasur parasysh moshën e tij, historikun e dëmtimeve dhe mungesën e golave në Ligën Premier këtë sezon, pritet që Fullkrug, të jetë i disponueshëm për një tarifë “me kosto të ulët”.
