Te Serbia ende shpresojnë ta kalojnë Shqipërinë në tabelë dhe të paraqiten në play-offin e kualifikimeve për Botërorin 2026.
Një gjë e tillë, pak gjasa të ndodhë bazuar në orarin e dy xhirove të fundit të Grupit K të kualifikimeve evropiane.
Të enjten Serbia luan me Anglinë në “Wembley”, ndërsa Andorra e pret Shqipërinë.
Anglia pritet ta mposht Serbinë dhe Shqipëria të fitojë në Andorrë, duke bërë që “Kuqezinjtë” ta konfirmojnë pozitën e dytë në grup.
Më 16 nëntor janë ndeshjet Shqipëri – Angli dhe Serbi – Letoni, të cilat pastaj nuk do të kishin ndonjë vlerë.
Të dëshpëruar, serbët shpresojnë në ndihmën e Andorrës për ta kaluar Shqipërinë, e cila është e dyta në tabelë me 11 pikë, një më shumë se Serbia që renditet e treta.
Më 24 mars në Tiranë, Shqipëria kishte fituar 3:0 ndaj Andorrës, dhe çdo rezultat tjetër pos fitores do të ishte dështim i madh për kuqezinjtë.
