Kryetari i Komunës së Prizrenit, Shaqir Totaj, ka shprehur besimin se qytetarët do të bëjnë zgjedhjen e duhur për të ardhmen e komunës.
Pas ushtrimit të të drejtës së votës, ai ka theksuar se ky është një moment i rëndësishëm për Prizrenin, duke uruar që procesi zgjedhor të jetë i lirë dhe demokratik.
“Një ditë e mirë për Prizrenin. Së bashku me bashkëshorten time, Fluturën dhe anëtarët e ngushtë të familjes ushtruam të drejtën e votës, duke uruar për një proces zgjedhor të lirë e demokratik. Kam besim se qytetarët do ta bëjnë zgjedhjen e mirë dhe atë që i duhet Prizrenit”, ka deklaruar Totaj.
