Kandidati i LDK-së për kryetar të Komunës së Prishtinës dhe kryetari aktual i bashkisë, Përparim Rama ka ushtruar të drejtën e tij të votës.
Pas votimit, Rama u shpreh se shpreson që zhvillimi dhe progresi të fitojnë për një të ardhme të ndritshme të kryeqytetit.
“Iu uroj të gjithë qytetarëve për pjekurinë dhe maturinë që kanë treguar gjatë këtyre zgjedhjeve. Uroj që të fitojë më i miri, të fitojë zhvillimi, progresi dhe një e ardhme e ndritshme për kryeqytetin tonë dhe për vendin tonë”, tha Rama.
Ai shtoi se këto zgjedhje janë të rëndësishme, jo vetëm për të ardhmen e kryeqytetit, por edhe për të gjithë vendin.
“Mendoj që këto zgjedhje janë të rëndësishme sepse nuk e definojnë vetëm të ardhmen e kryeqytetit, por edhe të ardhmen e gjithë vendit. Prandaj është me rëndësi që qytetarët të votojnë dhe të vendosin kahjen e duhur për vendin tonë,” theksoi Rama.
