Kandidati i PDK-së edhe për një mandat tjetër për kryetar të komunës së Vushtrrisë, Ferit Idrizi ka votuar dhe pas këtij procesi është shprehur se sot është ditë festë për qytetarët e kësaj komune.
Ai u shpreh se presin rezultate të cilat do t’i përcaktojë sovrani.
“Është një ditë e madhe, është një ditë feste për të gjithë qytetarët e Vushtrrisë, kemi zgjedhjet lokale, kështu që uroj të gjithë qytetarët e Vushtrrisë për këto zgjedhje dhe u bëj thirrje që ta dalin ta shfrytëzojnë të drejtën e tyre qytetare për të votuar. Presim rezultatet të cilat do t’i përcaktojë sovrani, populli. Çdo gjë ishte në rregull, një organizim jashtëzakonisht i mirë nga ana e KQZ-së”, u shpreh ai.
