Me rastin e 1 shtatorit, kryetari i Kuvendit, Dimal Basha, ka uruar nxënësit, prindërit dhe mësuesit për fillimin e vitit të ri shkollor.
Ai tha se kjo ditë është e veçantë, sepse shkollat hapin dyert për brezat e rinj, të gatshëm për të mësuar dhe për të ndërtuar të ardhmen.
“Shkolla nuk është vetëm vendi i dijes, por edhe hapësira ku mësohen vlerat, forcohet karakteri, kultivohet dashuria për atdheun dhe formohen qytetarët e përgjegjshëm të së ardhmes”, u shpreh Basha.
Ai ka shprehur mirënjohje për mësuesit dhe edukatorët që me përkushtim e dashuri udhëheqin fëmijët drejt diturisë.
Basha uron që ky vit të jetë i mbushur me suksese, frymëzim dhe arritje të reja për të gjithë nxënësit dhe mësimdhënësit.
