KFOR-i është duke vazhduar ta monitorojë situatën dhe të mbajë një qëndrim feksibil, duke kryer patrullime në urën mbi lumin Ibër në Mitrovicë.
Në një përgjigje për tëvë1, KFOR-i ka bërë të ditur se nuk ka qenë i përfshirë në ndërtimin e dy urave të reja mbi lumin Ibër, por sipas tyre ata vazhdojnë ta monitorojnë situatën.
“KFOR-i vazhdon të monitorojë situatën dhe të mbajë një qëndrim fleksibël, në mënyrë që të reagojë shpejt ndaj çdo zhvillimi të sigurisë. Për ta bërë këtë, KFOR-i mban një prani të përhershme dhe të dukshme në urën kryesore mbi lumin Ibër në Mitrovicë dhe kryen patrullime të rregullta në zonat përreth. Sigurimi i koordinimit efektiv me bashkësinë ndërkombëtare dhe përfshirja e komuniteteve lokale është thelbësore në parandalimin e tensioneve dhe gjetjen e zgjidhjeve afatgjata. KFOR-i nuk ishte i përfshirë në ndërtimin e dy urave të reja mbi lumin Ibër. Në përputhje me mandatin e tij të gjatë të OKB-së, KFOR-i vazhdon të përmbushë rolin e tij – të kontribuojë në një mjedis të sigurt për të gjithë njerëzit dhe komunitetet që jetojnë në Kosovë”, thuhet në përgjigjen e KFOR-it./teve1.info/
