Tottenham Hotspur është futur në garë për të siguruar shërbimet e mesfushorit të kombëtares së Zvicrës, Ardon Jashari, gjatë afatit kalimtar të verës. 22-vjeçari, i cili aktualisht luan për Club Brugge, ka rënë në sy të disa klubeve të mëdha evropiane.
Sipas raportimeve nga TBR Football, Arsenali e ka ndjekur nga afër Jasharin gjatë sezonit të kaluar dhe pritet të shihet nëse “Topçinjtë” do të ndërmarrin hapa konkretë për të firmosur me talentin me origjinë shqiptare.
Ardon Jashari është një mesfushor teknikisht shumë i përgatitur, i aftë të luajë në disa pozita në mesin e fushës. Ai mund të pozicionohet si mesfushor mbrojtës, por edhe si “box-to-box”, duke dhënë kontribut në të dy fazat e lojës. Aftësitë fizike, qëndrueshmëria, pasimet precize dhe qasja agresive në lojë e bëjnë atë një profil të dëshiruar për çdo skuadër elitare. Madje, ai është krahasuar me yllin e Arsenalit, Declan Rice, për shkak të ngjashmërisë në stilin e lojës.
AC Milan ka bërë tashmë një ofertë prej 32 milionë paundësh për mesfushorin e ri, ndërsa mbetet për t’u parë nëse Tottenham do të dalë me një propozim më të mirë në ditët në vijim.
