Në natën kur Cluj siguroi kualifikimin në rrethin e dytë të Ligës së Evropës, me dy gola e një asistim të Meriton Korenicës, lajmi i keq ishte lëndimi i mesfushorit tjetër kosovar te skuadra rumune, Lindon Emërllahu.
Cluj triumfoi 3:0 të enjten mbrëma ndaj Paksit të Hungarisë për të siguruar përballjen me Luganon në rrethin e ardhshëm të garës evropiane.
Por skuadra u përballë me dy lëndime të rënda në fillim të ndeshjes, me Emërllahun që u desh të largohej nga loja, pesë minuta pasi nisi ndeshja.
Përderisa futbollisti tjetër Mohammed Kamra do të mungoj për tërë sezonin, për ish-futbollistin e Ballkanit ka lajme të mira, sipas drejtuesve të klubit.
“CFR pati dy lojtarë të lënduar në 18 minutat e para të ndeshjes me Paksi. Dhe kosovari Emërllahu ishte i pari që u lëndua. Sa i përket mesfushorit qendror nga kombëtarja e Kosovës, dëmtimi nuk është aq serioz. Emërllahu ka një problem muskulor dhe mund të rikuperohet deri në ndeshjen e kthimit të ndeshjes me Luganon, nga raundi i dytë paraprak i Ligës së Evropës”, shkruan portali rumun ‘Prosport’.
