Presidentja e Kosovës, Vjosa Osmani, të enjten është takuar me kryesuesin e Komisionit Qendror të Zgjedhjeve, Kreshnik Radoniqi.
Sipas Presidences, Osmani gjatë takimit ka theksuar rëndësinë që procesi zgjedhor të jetë një proces i drejtë, transparent, me integritet, dhe i bazuar në Kushtetutë dhe ligj.
Po ashtu thuhet se Radoniqi e ka njoftuar presidenten Osmani për përgatitjet që KQZ-ja është duke bërë lidhur me administrimin e zgjedhjeve.
“Në funksion të garantimit të funksionimit kushtetues të institucioneve, Presidentja e Republikës së Kosovës, Vjosa Osmani, ka pritur sot në takim kryesuesin e Komisionit Qendror të Zgjedhjeve, Kreshnik Radoniqi për të diskutuar rreth përgatitjeve për procesin zgjedhor për zgjedhjet e rregullta parlamentare që do të mbahen më 9 shkurt 2025. Në ketë takim, mes tjerash Presidentja Osmani theksoi rëndësinë që procesi zgjedhor të jetë një proces i drejtë, transparent, me integritet, dhe i bazuar në Kushtetutë dhe ligj. Radoniqi e njoftoi Presidenten për përgatitjet që KQZ-ja po bën lidhur me administrimin e zgjedhjeve, në mënyrë që të gjithë qytetarët të mund të ushtrojnë të drejtën e votës, në një proces zgjedhor të ligjshëm dhe transparent”, thuhet në njoftim./teve1.info/
