Policia e Kosovës e ka konfirmuar vrasjen e një personi brenda një lokali në sheshin “Mujë Krasniqi” në Klinë.
Zëdhënësi i Policisë për rajonin e Pejës, Fadil Gashi, për teve1.info ka thënë se mjeku kujdestar e konstatuar vdekjen e viktimës.
Ndërkaq, i plagosur ka mbetur edhe një person tjetër, gjendja e të cilit është e rëndë.
I plagosuri për momentin është duke u trajtuar në Spitalin Rajonal të Pejës.
Lidhur me rastin, Gashi njoftoi se një person i dyshuar është arrestuar.
“Rreth ores 17:15 policia është njoftuar për të shtëna me armë zjarri në sheshin “Mujë Krasniqi” në një lokal sipas informatave të para një person është pa shenja jete vdekjen e ka konstatuar mjeku kujdestar, ndërsa një person tjetër është dërguar në emergjencë”, ka thënë Gashi./teve1.info/
