Ishte njëra nga rrugët malore më të frekuentuara për të kontrabanduar mallra nga Serbia në Kosovë.
Mirëpo, veturat që vijnë nga territori i Serbisë e ka të pamundur të hyjë në Kosovë.
Kjo pasi në këtë vend malor, në mes dy vendeve, janë të vendosur blloqe të betonit nga Policia e Kosovës.
E pikërisht kjo rrugë po kërkohet që të hapet për tu funksionalizuar pika e re kufitare në mes Kosovës dhe Serbisë.
Kërkesa për hapjen e kësaj pike kufitare u bë të martën në Bruksel, në takimin e palës kosovare dhe asaj serbe.
Sipas zëvendëskryeministrit, Besnik Bislimi u kërkua që të shtohen edhe dy pika kufitare në mes dy shteteve.
Zëvendës drejtori i Policisë së Kosovës për rajonin e Veriut, Veton Elshani thotë se ka më shumë se 60 pika kufitare në mes dy vendeve.
E sikur kjo pikë e bllokuar nga Policia e Kosovës janë edhe mbi 20 të tjera për shkak që kanë shërbyer për kontrabandë.
Nga ana tjetër, në rrugët malore të territorit të Republikës, u panë edhe patrullime të zyrtarëve policorë
Gjatë ditës, Tëvë1 ka kontaktuar edhe Ministrinë e Punëve të Brendshme rreth hapjes së këtyre pikave kufitare mirëpo të njëjtit nuk kanë kthyer përgjigje.
