Ministrja e Punëve të Jashtme, Donika Gërvalla, pret sot në takim kryeparlamentaren e Sllovenisë, Urska Klakocar Zupançiq.
Takimi pritet të realizohet në orën 10:00, në objektin e MPJD-së.
Zupanciq, ka qëndruar edhe dje në Kosovë, ku është takuar me presidenten Vjosa Osmani, si dhe me homologun e saj, Glauk Konjufca.
Zupançiq, ka thënë se njohja e ndërsjellët Kosovë – Serbi do të ndikonte në ecjen përpara për të dy vendet.
Ajo në një konferencë të përbashkët për media pas takimit që ka zhvilluar në Prishtinë me kryetarin e Kuvendit Glauk Konjufca, ka thënë se Sllovenia do të ndihmojë në këtë drejtim, duke ditur se dy vendet ende kanë çështje të hapura.
Ndërkohë, Zupançiq, ka kërkuar ndryshim të qasjes së Serbisë, ku ka përmendur sulmin terrorist në Banjskë dhe ende kryesit dhe përgjegjësit e tij janë të lirë. /teve1.info/
