Ministri i Financave, Hekuran Murati, thotë se jetëgjatësia në Kosovë është 4 deri në 5 vjet më lartë sesa mesatarja e vendeve të tjera të Ballkanit Perëndimor.
Sipas Muratit, kjo tregon për cilësinë e jetës në Kosovë.
Përmes një postimi në Facebook ai ka publikuar të dhëna, të cilat thotë se i ka marrë nga Banka Botërore.
“Jetëgjatësia e pritur është tregues mjaft i mirë edhe për cilësinë e jetës në një vend. Sipas të dhënave të grumbulluara nga Banka Botërore, jetëgjatësia mesatare e pritur në Kosovë është 80 vite, apo rreth 4-5 vite më e lartë sesa mesatarja e shteteve tjera të Ballkanit Perëndimor”, ka shkruar ai./teve1.info/
