Të dielën, qytetarët e komunës së Preshevës do u drejtohen kutive të votimit.
Më 2 qershor, shqiptarët do të votojnë për kandidatin i cili do i përfaqësoj për katër vitet e ardhshme.
Në këto zgjedhje, partitë shqiptare në Preshevë garojnë me gjashtë lista.
Në këtë post me organ të përkohshëm është kryetari i Partisë Demokratike Shqiptare, Ragmi Mustafa.
Mustafa tregon se si kanë shkuar përgatitjet për këtë proces.
“Neve kishim vetëm një muaj kohë, përgatitjet duhet të fillonin aty dhe fushata bashkërisht me të, por megjithatë si Parti Demokratikë Shqiptare kemi dalë më një listë zgjedhor me 38 kandidatësh për këshilltarë aq sa ka vendvotime në komunën e Preshevës, gjithashtu është zbatuar ligji që 40% prej tyre të jenë femra përveç asaj në top 10shen e parë duhet të jenë katër femra, edhe këtë pjesë të ligjit kemi zbatuar”, tha ai.
Ai thotë se nuk mund të fitoj një parti e vetme pa një koalicion paszgjedhor në këtë komunë.
“Asnjë nga këto parti politike që garojnë për zgjedhje dhe vazhdimisht garojnë në Preshevë më shumë parti politike nuk është arritur kurrë dhe as tani nuk do të arrihet që një parti politike të arrijë mbi 50% dhe në këtë drejtim janë të domosdoshme partneritet e koalicioneve”.
Kështu thotë edhe kundërkandidati i tij nga radhët e Alternativës për Ndryshim, Visar Mehmeti.
“Kuptohet që gjashtë lista garojnë në komunën e Preshevës, është e pamundur që të bëhet një shumicë një partiake, kështu që shohim pas dy qershorit se si do të jetë shumica për një qeverisje lokale këtu në Preshevë” , tha Mehmeti.
Mirëpo, partia që Mehmeti përfaqëson ka vija të kuqe me një parti politike atje.
“Kemi me një parti e cila është duke bë një përçarje të paparë këtu në Luginë të Preshevës, e ajo është partia e këshilltares së Kryeministrit Kurti, Ardita Sinanit e cila në këtë fushatë ka manipuluar shumë me fondin e Kosovës vetëm me fjalë, duke ecur vend më vend dhe duke premtu. Posaçërisht i ka keqpërdor bujqit duke i premtu atyre shuma marramendëse gjoja se në të ardhmen në qoftë se ajo është në pushtet do të ndajë mjetë marramendëse për secili bujk që ajo ka taku”.
Tëvë1 ka provuar që të këtë një qëndrim rreth përgatitjeve zgjedhore edhe nga kandidatja e Partisë për Veprim Demokratik, Ardita Sinani, mirëpo e njëjta nuk është deklaruar.
Përveç komunës së Preshevës, procesit zgjedhor do i nënshtrohen edhe qytetarët e komunës së Bujanocit.
Në këtë komunë, shqiptarët do të kenë mundësi të votojnë për katër lista shqiptare.
