Presidentja, Vjosa Osmani, e ka quajtur qesharake deklarimin e kryeparlamentarit, Glauk Konjufca, i cili ka thënë se mosinformimi i Presidencës për letrën që ministrja e Jashtme, Donika Gërvalla e kishte dërguar në Këshillin e Evropës, kishte ndodhur paqëllimshëm “për shkak të largësisë”.
Për këtë deputetja e Partisë Demokratike të Kosovës, Arian Musliu Shoshi ka thënë se Presidentja, si përfaqësuese e unitetit të popullit, është dashur të shpërfaqë të vërtetën e keq-qeverisjes së Albinit, shumë më herët.
Tutje, ajo ka thënë se tashmë dëmi është bërë, por e vërteta e dështimit po dihet qartë.
“Më mirë vonë se kurrë! Presidentja, si përfaqësuese e unitetit të popullit, është dashtë të shpërfaq të vërtetën e keq-qeverisjes së Albinit shumë më herët. Tashmë dëmi është bërë, por e vërteta e dështimit po dihet qartë!”, ka shkruar ajo në Facebook.
