Përmes një postimi në Facebook, ai tha se “krimi i organizuar nuk ka përkatësi as politike e as etnike” dhe se akte të tilla nuk duhet të tolerohen.
Sipas tij, është në interes dhe obligim i të dy qeverive, të Kosovës dhe Serbisë që të luftojnë krimin e organizuar ndërkufitar.
“Shtetet e Bashkuara të Amerikës, Mbretëria e Bashkuar dhe të gjitha shtetet e NATO-s, intervenuan me 1999 në Kosovë për të ndalur gjenocidin. Që prej atëherë, këto shtete po ashtu, janë përkushtuar për një rajon të qetë dhe të sigurt. Rendi dhe ligji është në interes të secilit qytetar, ashtu edhe të dyja shteteve, Kosovës dhe Serbisë”, shkroi ndër tjerash Haradinaj./teve1.info/
