Baleti Kombëtar i Kosovës, ka hapë thirrje për angazhimin e 60 fëmijëve për shfaqjen e baletit “Peter Pan” me koreografi nga Olga Pango.
Sipas njoftimit, ky projekt do të realizohet si premierë me dt 01.06.2024, në Ditën Botërore të fëmijëve.
Derisa BKK, fton të gjithë të interesuarit për të aplikuar në audicionin e hapur, I cili do të mbahet me dt 27.04.2024 (e shtunë) në sallën e AKV Shota në Prishtinë me fillim në ora 13:00.
Tutje bëhet e ditur se koha e realizimit të projektit është nga dt 02.05.2024 deri me 01.06.2024
Kurse provat e shfaqjes përgjatë këtyre ditëve,thuhet se do të mbahen çdo ditë me fillim në ora 17:00.
“Detaje për audicion:
Mosha e kërkuar – 9 deri në 15 vjeç.
Audicioni do të mbahet në grupe, në varësi të numrit të pjesëmarrësve.
Pjesëmarrësit në audicion, do të vlerësohen nga Komisioni profesional, në krye me koreografen e shfaqjes.
Prindërit, së bashku me fëmijët, duhet të paraqiten në objektin e AKV shota, të paktën një orë para fillimit të audicionit, për t’i kryer procedurat e regjistrimit për audicion dhe për të gjithë fëmijët e interesuar, prindërit ose personat përcjellës të fëmijëve, duhet të paraqesin certifikatën e lindjes në momentin e regjistrimit për audicion.
Mënyra e vlerësimit, do të bëhet përmes mbajtjes së klasës së baletit (ushtrimet në levë dhe në mesin e sallës, në varësi të kërkesave të Komisionit).
Në mënyrë që procesi i futjes të grupeve në sallë dhe largimit dhe nga salla të na marrë sa më pak kohë, ju sugjerojmë që fëmijët të vijnë në audicion të përgatitur me veshjet adekuate të baletit.
Baleti Kombëtar i Kosovës, në mbështetje të talentëve të rinj të baletit”, thuhet në njoftim./teve1.info./
