Kryesia Qendrore e Lidhjes Demokratike të Kosovës, ka mbajtur sot mbledhjen e saj të dytë.
Lidhja Demokratike e Kosovës ka themeluar 21 departamente të partisë, të cilat janë miratuar nga Kryesia e Partisë në një mbledhje të mbajtur të premten.
Në këtë mbledhje është formuar edhe Forumin e Këshilltarëve Lokal të cilin do ta udhëheqë, Ilir Ferati, kryetari i Komunës së Istogut.
Kryetari i kësaj partie, Lumir Abdixhiku ka thënë se kanë filluar mobilizimin për programin politik siç e ka quajtur ai më të pasurin “Rruga e Re” “me të gjitha zgjidhjet për hallet e përditshme të qytetarëve”
“Anëtarët e Kryesisë, anëtarët e Këshillit të Përgjithshëm e deputetët e LDK-së do të jenë në terren në bashkëbisedim të përditshëm me qytetarë për të diskutuar me ta dhe për ta përhapur vizionin e qartë e programin e vetëm politik në Kosovë “Rruga e Re”. Kryesia miratoi dhe themelimin e 21 Departamenteve të Lidhjes Demokratike të Kosovës, e po ashtu formoi dhe Forumin e Këshilltarëve Lokal të cilin do ta udhëheqë, Ilir Ferati, kryetari i Komunës së Istogut”, ka shkruar Abdixhiku.
Ai ka thënë se u diskutua edhe mbi organizimet në mërgatë, si dhe rreth përgatitjeve për themelimin e 20 nëndegëve të reja gjithandej nëpër Evropë, duke rritur numrin në 78 sosh./teve1.info/