Dy muziciente nga Zara e Kroacisë, Dina Bušić me origjinë arbëreshe dhe Melita Ivković, performuan mbrëmë në koncertin në kuadër të Seminarit Ndërkombëtar për Gjuhën, Letërsinë dhe Kulturën Shqiptare.
Në këtë koncert të mbajtur në Bibliotekën Kombëtare të Kosovës, i pranishëm ishte edhe ministri i Kulturës, Hajrullah Çeku.
“Shqipja e lashtë, arbërishtja, mbrëmë jehoi në Bibliotekën Kombëtare të Kosovës.Dy muziciente nga Zara e Kroacisë, Dina Bušić me origjinë arbëreshe dhe Melita Ivković, u kthyen në kohën e gjyshërve duke interpretuar këngë të veçanta nga albumi që e kanë mbledhur e kultivuar ndër vite. Koncerti i mbajtur në kuadër të Seminarit Ndërkombëtar për Gjuhën, Letërsinë dhe Kulturën Shqiptare, u ndoq nga ministri Hajrulla Çeku, seminaristët e publiku. Programet e tilla përforcojnë ndjenjën e identitetit dhe ruajnë trashëgiminë kulturore”, thuhet në njoftim./teve1.info./