Policia e Kosovës ka njoftuar se dy persona janë plagosur me armë zjarri në Gjakovë,si dhe i dyshuari për rastin është dërguar në mbajtje.
Sipas Policisë, dy viktimat janë dërguar për trajtim mjekësor dhe, sipas mjekëve, janë jashtë rrezikut për jetë. Palët e përfshira në incident janë në lidhje familjare, ndërsa motivi i rastit ende nuk dihet.
“Dy meshkuj kosovarë janë plagosur me armë zjarri nga i dyshuari mashkull kosovar. Viktimat janë dërguar për trajtim mjekësor dhe sipas mjekëve janë jashtë rrezikut për jetë”, thuhet në raportin e Policisë.
Ndërkaq gjatë arrestimit, nga i dyshuari është sekuestruar një armë që dyshohet se është përdorur në rast, katër gëzhoja dhe një fishek. Ndërkohë, bashkëshortja e të dyshuarit ka dorëzuar në Polici edhe një armë gjuetie që ishte në pronësi të tij.
Me vendim të prokurorit, pas intervistimit, i dyshuari është dërguar në mbajtje. Rasti po hetohet si “Vrasje në tentativë” dhe “Armëmbajtje pa leje”. /teve1.info/
