Gjatë ditës së sotme kanë filluar punimet në vendin e quajtur “Maja e Pallanikut” në Malet e Berishës, ku ka qenë bunkeri i radios “Kosova e Lirë”.
Rruga nga fshati Berishë që të çon në Majën e Pallanikut ku ishte vendosur bunkeri është zgjeruar në muajin shtator të vitit të kaluar.
Ndërkohë, më 2 maj të këtij viti, Komuna e Malishevës ka marrë vendim për ndarjen e 25 mijë eurove për shtrimin me zhavorr të kësaj rruge.
Punimet për ndërtimin e bunkerit të Radios “Kosova e Lirë” në majën Majën e Pllanikut kanë nisur më 4 maj, ku për t’i parë punimet e ditës së parë, në terren kishin dalë edhe vetë ish-ekipi i radios.
Ish-zëri i saj, Nusret Pllana, për Tëvë1 kishte thënë se më në fund bunkerit historik, po i kthehet pamja që e meriton.
“Mua dhe Martinit dhe Rizës, që patëm rastin dhe fatin të jemi në vendin e ngjarjes, na emocionoi kjo punë e kryer me kritere të larta profesionale, dhe jep me kuptua që ky projekt pas 24 vjetëve do të kryhet me sukses të plotë”, kishte thënë Pllana./teve1.info/
