Policia e Kosovës ka bërë të ditur se ka identifikuar një person, i cili përmes rrjetit social “TikTok” ka postuar përmbajtje të rëndë ku paralajmërohej vetëvrasja.
Policia thotë se rreth këtij postimi është njoftuar nga zyra e kompanisë “TikTok” në Irlandë, të cilët kanë lajmëruar se një përdorues i këtij rrjeti social ka publikuar përmbajtje ku flitet për vetëvrasje.
Ndërkohë, Policia ka kërkuar nga kompania “TikTok” të dhëna plotësuese, të cilat janë pranuar përmes e-mailit. Në njoftimin bëhet e ditur se në materialet e pranuara ishte edhe postimi me përmbajtje të rëndë ku paralajmërohej vetëvrasja.
“Menjëherë janë marrë veprimet e nevojshme për lokalizimin e vendit dhe identifikimin e personit. Është drejtuar kërkesë ofruesit për shërbime të internetit për abonent të IP-adresës, bazuar në informatat që janë pranuar, ka dalë që përdoruesi i IP-adresës është në një qytet të Kosovës”, thuhet në njoftimin e Policisë së Kosovës.
Policia thotë se rreth orës 15:00 kanë arritur ta lokalizojnë dhe ta identifikojnë prindin e të dyshuarit, ku më pas e kanë trajtuar rastin, si dhe është njoftuar prokurori si dhe Qendra për Punë Sociale.
Policia e Kosovës ka falënderuar partnerët ndërkombëtarë për trajtimin e shpejtë të rastit.
“Menjëherë janë marrë veprimet e nevojshme për lokalizimin e vendit dhe identifikimin e personit. Është drejtuar kërkesë ofruesit për shërbime të internetit për abonent të IP-adresës, bazuar në informatat që janë pranuar, ka dalë që përdoruesi i IP-adresës është në një qytet të Kosovës”./teve1.info/
