Në njoftim theksohet se, me rënien e temperaturave krijohen shtresa të akullit të cilat rrezikojnë pjesëmarrësit në trafik, përcjell teve1.info
“Pas reshjeve të shiut në shumë segmente rrugore ka rrjedhje të ujit, ku me rënien e temperaturave në këto lokacione krijohen shtresa të akullit që rrezikojnë seriozisht pjesëmarrësit në trafik, përveç kësaj kujdes i shtuar duhet treguar edhe në ura dhe në rrugë rurale e malore ku mund të krijohen ngrica dhe shtresa të akullit”, thuhet në njoftim.
Ndër të tjerash, Policia ka bërë apel shoferëve që ta mbajnë distancën mes mjeteve, të përdorin pajisjet dimërore, rripin e sigurisë, mos ta përdorin telefonin gjatë ngasjes e gjithashtu mos të bëjnë manovra me mjet në rrugë. /Teve1.info/
