Ka raportime se postblloqe të shumta ushtarake janë pozicionuar në qytet, por që rrugët mbeten kryesisht të qeta dhe bosh.
Ndërkaq, në këtë qytet port historik në bregun e Detit të Zi, jetojnë afër një milion njerëz. Odesa është në kufi me Moldavine dhe rajonin separatist moldav të Transnistrisë – të mbështetur nga Rusia.
Forcat ruse kanë bërë përparim në Ukrainën jugore që nga pushtimi i tyre, raporton BBC.
Mykhailo Shmushkovich, zyrtari i qytetit përgjegjës për solidaritetin evropian, tha se më shumë se 100,000 njerëz ishin larguar tashmë nga Odesa.
Por ai tha se qyteti ishte “gati për të luftuar”.
“Kjo mund të ndodhë në çdo moment. Ju nuk mund të jeni kurrë gati për këtë,” shtoi ai./teve1.info/
