Analisti, Selam Shkodra ka deklaruar se bllokada në Kuvend është duke iu konvenuar të gjitha partive pasi sipas tij asnjëra nuk i ka numrat e nevojshëm për formimin e qeverisë së re.
Shkodra ka përshtypje se të dyja palët janë duke i dhënë imunitet njëra tjetrës deri në një moment kur do të lodhen dhe do të ulen për ta ndarë pushtetin e qeverisjes.
Ai ka shtuar se sikur opozita do ta sfidonte Kurtin duke e votuar Haxhiun për kryeparlamentare ai do të ishte mbështetur me shpatulla pas murit se nuk i ka numrat.
“Mua më është krijuar përshtypja që të gjitha partive politike po iu konvenon kjo situatë për shkak se Lëvizja Vetëvendosje nuk është që e ka të vetmen figurë jetë a vdekje Albulena Haxhiun. Partitë politike opozitare nuk e kanë jetë a vdekje betejën e tyre për mos ta lënë Haxhiun të bëhet kryetare e Kuvendit pavarësisht gjuhës polarizuese ose veprimeve të saj në të kaluarën. Më është krijuar përshtypja sikur palët po japin imunitet njëra tjetrës deri në një lodhje ose luftë nervash deri në një moment kur ulen dhe e ndajnë pushtetin e qeverisë për shkak se në rast se Kurti do të sfidohej për 15 ditë sikur të zgjidhej problemi i kryeparlamentarit unë mendoj që do të ishte mbështetur me shpatulla pas murit se nuk i ka numrat. Por çka pas 15 ditësh se partia e dytë dhe e tretë është e vetëdijshme plotësisht se kur ti kaloj stafeta këtyre edhe këta nuk i kanë numrat e nevojshëm për të hyrë në qeveri. Andaj gjithë ky pozicion i të dyja palëve është duke shkuar drejt një situate ku palët do të ulen në tryezë për ta ndarë kulaçin e ekzekutivit”, është shprehur Shkodra në emisionin “Këndi i Debatit” në Tëvë1.
