Ministria e Shëndetësisë ka dhënë disa rekomandime për mbrojtjen e shëndetit gjatë ekspozimit të temperaturave të larta me të cilat po përballet vendi ynë ditëve të fundit.
Sipas MSH-së, nga ekspozimi në diell mund të pësojmë goditje nga vapa e cila shkakton dehidrim të organizmit dhe i cili manifestohet me ngërçe, vjellje, çrregullime diarreike, skuqje dhe djegie të lëkurës duke komplikuar kështu sistemin kardiovaskular deri në insufiçiencë renale (dëmtim i veshkëve).
Derisa personave të moshuar dhe atyre me sëmundje kronike u është bërë thirrje që mos të ekspozohen në rrezet e diellit në intervalin kohor prej orës 10:00 deri në 17:00.
Njoftimi i plotë:
Masat e rekomanduara mbrojtëse për shëndetin gjatë ekspozimit ndaj temperaturave të larta të ajrit mbi 30°C janë:
Personat e moshuar dhe ata me sëmundje kronike nuk duhet të ekspozohen në rrezet e diellit në intervalin kohor prej orës 10:00-17:00.
Kujdesi gjatë temperaturave të larta:
🥤Mbani trupin tuaj të freskët dhe të hidratuar;
👕Vishni veshje të lehta dhe të gjera;
🛁Bëni dush të freskët;
💧Pini shumë ujë;
☕Shmangni pijet me sheqer, alkoolike dhe me kafeinë;
🏡Mbani shtëpinë tuaj të freskët:
🪟 Hapni dritaret natën;
💡Reduktoni përdorimin e pajisjeve elektrike.
🌳Qëndroni në hije.
🧑🔧Shmangni aktivitetin fizik të mundimshëm gjatë temperaturava të larta;
🚗Mos i lëni fëmijët apo kafshët në makina të parkuara;
Nëse ju paraqiten simptoma si kokëdhembje, mundim, marramendje, tharje e gojës dhe lëkurës, lajmërohuni tek institucioni më i afërt shëndetësor!./teve1.info./
