Ministri i Pushtetit dhe Administrimit Lokal, Elbert Krasniqi ka njoftuar se ka liruar nga detyra Ekipin Menaxhues për hartimin e draft-statutit të Asociacionit.
Ai ka thënë se ky ekip pas prezantimit të draftit në takimin e 2 majit në Bruksel është edhe vet pas status.
“Pas prezantimit të djeshëm në Bruksel të draft statutit të Asociacionit të Komunave me Shumicë Serbe, sipas përgjegjësive që i ishin dhënë Ekipit Menaxhues në marrëveshjet e Brukselit të vitit 2013 dhe 2015, ky ekip tash edhe vet është pa status. Andaj, sot me datë 03 maj 2023, kam marr vendim për lirimin nga detyra të anëtarëve të këtij ekipi menaxhues, në përbërje të Danijela Vujičić, Jelena Bolovic, Igor Kalamar dhe Dejan Radojković”, ka shkruar ai në Facebook, raporton teve1.info
Danijela Vujiçiq, si anëtare e Ekipit Menaxhues dhe deputete në parlamentin e Serbisë, pas prezantimit të draft-statutit për Asociacionin u shpreh e lumtur që siç tha ajo më në fund ju dha mundësia për ta bërë një gjë të tillë.
Por, ky draft-statut u refuzua nga kryeministri Albin Kurti. Ai tha se nga ajo çfarë është propozuar synohet një Asociacion me kompetenca ekzekutive. Kryeministri bërë të ditur se ka propozuar një version të tij për këtë çështje të cilin e ka publikuar./teve1.info/
