Të enjten, në Kosovë një litër benzinë kushtoi 1 euro e 71 cent, ndërsa një litër dizel 1 euro e 69 cent.
Çmimet lëvizin në baza ditore.
Mirëpo, kjo rritje po del të jetë disa centë më e lartë se sa është paralajmëruar nga përfaqësuesit e naftëtarëve.
Meqë kryetari i Shoqatës së Naftëtarëve, Fadil Berjani ka thënë se sa është çmimi i derivateve për ditën e enjte.
“Çmimet të enjten, sillen përafërsisht 1.66 cent për dizel, ndërsa 1.68 cent për benzinë. Në këtë rritje të çmimeve, po ndikon lufta e Rusisë me Ukrainën. Ne nuk mund të paragjykojmë se çfarë çmime do të kemi ditëve në vijim, sepse ka lëvizje të shpeshta në berz dhe ky rend i rritjes është në tërë globin, nuk është vetëm në Kosovë”, thotë Berjani.
Në anën tjetër, qytetarët janë kundër rritjes së vazhdueshme të këtyre çmimeve.
Alban Ahmeti po shprehet i zhgënjyer. Sepse sipas tij, në këtë Kosovë po rriten vetëm çmimet e produkteve dhe jo rrogat e punëtorëve.
E qytetarët e tjerë thonë se ka edhe arsye tjera për këto rritje.
Tëvë1 ka kërkuar gjatë gjithë ditës përgjigje nga Ministria e Industrisë, Ndërmarrësisë dhe Tregtisë, mirëpo të njëjtit nuk kanë qenë të qasshëm.
Kronika e realizuar nga gazetarja Fetije Kamberi.
