Zyrtarja e kabinetit të deputetit të Glauk Konjufcës, e cila ka pranuar thirrjen se një mjet shpërthyes është vendosur në Kuvendin e Kosovës është duke u intervistuar nga Policia e Kosovës.
Kështu ka mësuar tëvë1 nga burimet.
Ndryshe, deputetët e Kuvendit të Kosovës dhe media janë evakuuar nga Kuvendi i Kosovës, për shkaqe sigurie.
Sipas ekipit të tëvë1 i cili po qëndron atje bëhet e ditur se dyshohet për një vendosje të bombës në Kuvendin e Kosovës.
Ndërsa nga Policia e Kosovës kanë thënë se në orët e para të së shtunës kanë pranuar një mesazh për një kërcënim me mjet shpërthyes në objektin e Kuvendit të Kosovës.
Policia ka bërë të ditur se njësitë kompetente policore kanë bërë perimetrin e sigurisë dhe kanë evakuuar deputetët dhe mediat nga objekti./teve1.info/
