HNK Hajduk dhe FC Prishtina kanë arritur marrëveshje për transferimin e qendërmbrojtësit 22-vjeçar Ron Raçi, i cili ka nënshkruar kontratë me klubin nga Spliti deri në verën e vitit 2029.
Qendërmbrojtësi shtatlartë do t’i bashkohet menjëherë stërvitjeve të skuadrës së parë, ndërsa te Hajduku do të mbajë fanellën me numrin 14.
Raçi, gjatë sezonit të kaluar, pati një afirmim të plotë në radhët e Prishtinës, ku ishte një nga lojtarët më të mirë të klubit. Në karrierën e tij si futbollist profesionist ka regjistruar mbi 40 paraqitje zyrtare, ka shënuar tre gola dhe ka dhënë një asistim.
Cilësitë e tij si lojtar u dëshmuan edhe në qershor, kur u ftua për herë të parë në Kombëtaren A të Kosovës, duke debutuar zyrtarisht në ndeshjen kundër Komoreve.
Ron, FC Prishtina të dëshiron shumë fat, suksese dhe paraqitje të mira me fanellën e bardhë të Hajduk Split!
