Portieri Agron Kolaj, do të jetë pjesë e skuadrës së Gjilanit për stinorin pranveror të Superligës së Kosovës në futboll.
Kolaj është huazuar nga Prishtina te skuadra e Gjilanit deri në fund të sezonit.
“Sport Club Gjilani dhe FC Prishtina kanë arritur marrëveshje për huazimin e Agron Kolajt. 24 vjeçari vjen nga kryeqyteti si një vlerë e shtuar për ekipin në pjesën e dytë kampionale”, thuhet në njoftimin e Gjilanit, të martën mbrëma.
Kolaj më parë ka mbrojtur edhe ngjyrat e Besës nga Peja, ekip me të cilën debutoi në elitën e futbollit kosovar dhe pas transferimit te Prishtina arriti në shifrën e 54 paraqitjeve zyrtare në kampionat.
“SC Gjilani i uron mirëseardhje Agron Kolajt dhe shpreh besimin se kontributi i tij do të jetë i rëndësishëm për skuadrën në vazhdim të sezonit”, përfundon njoftimi.
