Përfaqësuesi Special i Asamblesë Parlamentare të OSBE-së për Evropën Juglindore, Michael Link, është deklaruar pas zhvillimeve të fundit në veri.
Ai ka dënuar ashpër dhunën që u përdor ndaj trupave të KFOR-it, policisë e gazetarëve.
“Para dy muajsh e përshëndeta progresin që u arrit në takimin e nivelit të lartë në Ohër të bisedimeve Beograd-Prishtinë për marrëdhëniet e mira fqinjësore, por fatkeqësisht këto ditë mund të shohim skena të pakëndshme në rrugët e veriut të Kosovës. ”, tha Link. “E drejta themelore për të protestuar duhet të ushtrohet në mënyrë paqësore dhe pa ushtruar dhunë ndaj autoriteteve ligjzbatuese, të cilat nga ana e tyre nuk duhet të përdorin forcë të tepruar. Media duhet të jetë në gjendje të raportojë në mënyrë të papenguar”, tha Link.
Link, i cili shërben edhe si zëvendëspresident i kësaj asambleje, u bëri thirrje të gjithë aktorëve të përfshirë në ngjarjet e fundit të punojnë për de-përshkallëzimin, duke theksuar se kishte mjaft dhunë.
“Plani i dakorduar gjermano-francez dhe aneksi i tij, i rënë dakord në Ohër, duhet të marrë melodinë e tij përfundimtare në tryezën e negociatave të lehtësuara nga BE,” tha ai.
“OSBE dhe Asambleja e saj Parlamentare mbështesin përpjekjet e rajonit të Ballkanit Perëndimor në arritjen e përparimit në reformat dhe demokratizimin”, shtoi tutje deputeti gjerman.
