I ftuar në emisionin “Këndi i Debatit”, Zymberi tha se ajo çka po i mban në punë këta punëtorë është vetëm vullneti i madh i tyre për punë, sepse sipas tij, motiv tjetër nuk ka.
“Pozicionin ku kemi ra si zyrtarë publik në përgjithësi me këtë nivel të pagave që jemi është vërtetë shumë qesharake. I mban në punë njerëzit vetëm vullneti dhe motivi i madh i atyre që kan sakrifikuar dhe janë të përcaktuar me e mbajtë vendin e punës, sepse përndryshe motiv tjetër nuk ka”, tha ai.
Zymberi tutje theksoi se pozicioni i një zyrtari publik sa i përket koeficientit, mund të tejkalohet edhe me punë fizike cilado qoftë ajo, e që sipas tij, kjo është edhe një arsye tjetër stresuese për këta punëtorë.
“Të tillët që kanë vetëm një pagë dhe varen vetëm prej asaj, kur e sheh që edhe me punë fizike nga më të ndryshmet mund ta tejkalosh cilindo pozicion, edhe udhëheqës në administratë, e cila është arsye të stresohet njeriu të shkon të përgatitet, të jepë llogari lloj-lloj individëve dhe në fund të mos ia del “, tha ai.
