I ftuar në emisionin “Ditari”, Zyba ka kërkuar nga mediat që para shkuarjes për raportim në veri, të konsultohen fillimisht me organet e sigurisë.
“Unë dënoj sulmin ndaj gazetarëve sepse përveç që nuk është i pranushëm si sulm sepse shkohet atje për të raportuar e jo për të ndërhyrë edhe për të pasur pengesa të tjera pavarësisht që pengesat i ka vënë dikush aty me qëllim. Unë kam një kërkesë një lutje për mediat sidomos ato që mund të jenë në çdo moment të prekur prej kësaj dhune kësaj paraqitje, këtu duhet të kemi një komunikim dhe një konsultim me organet e sigurisë në relacionet që nuk janë të sigurta derisa të mos ketë këso telashe e sfida edhe për vet mediat. Tash unë jam idhtar që duhet të kenë hapësirë dhe mundësi, por në këtë rast kushdo që pëson është problem kjo punë, sepse konsiderohet që ndaj mediave s’them që janë të papërgjegjshëm por nëse janë të pakonsultuar, mund të ketë edhe shoqërim, mund të ketë edhe gjithçka, por për situatën për sa nuk ka liri të lëvizjes nënkuptohet që për serbët janë vendosur barrikadat për qytetarët e asaj pjese dhe për Policinë”, tha ai.
Madje ai tha se serbët në atë pjesë nuk i mirëpresin mediat, sepse sipas tij, mediat kanë pamje të asaj se çfarë po ndodhë atje.
“Sipas meje ata persona nuk i mirëpresin sepse mediat e nxjerrin të vërtetën. Nuk thash mosraportim përkundër asaj, por e konsideroj që mediat duhet të kenë një kujdes më të shtuar sepse kanë identitet dhe pamje me pajisje dhe gjithçka “, shtoi ai.
Ndryshe, prej se janë vendosur barrikadat në veri para 17 ditësh kanë ndodhur disa sulme ndaj gazetarëve./teve1.info./
