Një zjarr ka përfshirë një banesë në lagjen Parku i Qytetit, në rrugën “Isa Kastrati” në Prishtinë, në orët e para të mëngjesit.
Kështu ka bërë të ditur për tëvë1.info, zëdhënësja e policisë për rajonin e Prishtinës, Flora Ahmeti e cila ka thënë se tre persona kanë marrë trajtim mjekësor si pasojë e incidentit, ndërsa autoritetet janë duke vazhduar hetimet për të sqaruar rrethanat dhe shkakun e zjarrit.
Ahmeti ka thënë se pas njoftimit për incidentin, në vendin e ngjarjes kanë intervenuar njësitë e Policisë së Kosovës, ekipet mjekësore dhe zjarrfikësit, të cilët kanë punuar për lokalizimin e zjarrit dhe menaxhimin e situatës.
“Sot rreth orës 07:30, kemi pranuar informatën për një incident zjarri në një ndërtesë banimi në rrugën Isa Kastrati në Prishtinë. Menjëherë në vendin e ngjarjes kanë dalë policia ekipet mjekësore dhe zjarrfikësit të cilët po merren me rastin. Bazuar në të dhënat e deritanishme tre persona janë trajtuar nga ekipet mjekësore”.
