Trajneri francez, Zinedine Zidane thuhet se nuk është larg një rikthimi te Real Madrid, si pasues i Carlo Ancelottit.
Carlo Ancelotti pothuajse me siguri do të largohet nga Madridi në fund të sezonit për të marrë përsipër kombëtaren braziliane, ndaj drejtuesit e Los Blancos po shikojnë për pasuesin e tij.
Sipas mediumit francez Footmercato, Florentino Perez tashmë ka kontaktuar Zidanen dhe ka nisur negociatat për rikthimin e tij në klubin më të madh evropian.
Zidane e tregoi veten fitues te Reali. Në dy kohë si trajner, ai fitoi 11 trofe, duke përfshirë tre Liga të Kampionëve.
Mediumit francez thekson se tani Zidane mund të ketë një shans të ri për të provuar dhe përmirësuar CV-në e tij me më shumë trofe si trajner.
