Para drejtorisë së KEK-ut u panë edhe një herë këtë të enjte.
Por, kësaj radhe për të kumtuar një lajmë të mirë për punëtorët e KEK-ut.
Kryesia e Sindikatës së Re të KEK-ut, bënë të ditur se protestat janë pezulluar përkohësisht.
Kjo pas kërkesat e tyre për rritje të pagës, nivelizimin e tyre dhe pagën e 13-të, po shqyrtohen nga bordi.
“Menaxhmenti dhe bordi ka shprehur vullnet dhe gatishmëri për t’i shqyrtuar kërkesat, kështu që me mirëkuptimin e të dy palëve dhe sot kemi pasur në tre divizionet, në divizionin e prodhimit të qymyrit, termocentralin Kosova A dhe në termocentralin Kosova B takime me të gjithë punëtorët dhe kemi marrë konfirmimin për një pezullim të përkohshëm të protestës derisa të shqyrtohen kërkesat në tërësi”, tha Xhelal Jashari-kryetar i sindikatës.
E këto kërkesa priten të shqyrtohen nga bordi i KEK-ut, deri të hënën.
“Besoj që do të ketë rezultate për arsye se ata vet kanë premtuar, mirëpo është e çuditshme qysh gjithmonë duhet me protestuar për me u ulë e për me negociuar” , u shpreh Nexhat Llumnica-nënkryetar i sindikatës.
Mirëpo marrja e vendimit për pezullim të përkohshëm të protestës nuk ishte e lehtë për punëtorët.
“E patëm mjaft të vështirë se punëtorët në vazhdën e asaj që ndoshta deri më tani nuk kanë shku bash mirë këto gjëra, prapë nuk e kishin atë besimin e plot”, tha Bekim Osmani nga sindikata e re e punëtorëve të KEK-ut.
Në rast të mosplotësimit të kërkesave deri në afatin e caktuar, punëtorët e KEK-ut, do vazhdojnë me protesta.






