Megjithatë, Edon Zhegrova mund të jetë pjesë e skuadrës së Juventusit edhe për sezonin e ardhshëm.
Mediumet në Itali, kanë raportuar të enjten se situata e Zhegrovës do të vlerësohet, përpara se të ketë një vendim përfundimtar për largimin e tij.
Thuhet se gjasat janë të mëdha që Zhegrova të ketë edhe një shans të dytë te Juventusi pas një sezoni zhgënjyes në Torino, ku pati 27 paraqitje në të gjitha garat apo në total 525 minuta lojë.
27-vjeçari ka kontratë deri në vitin 2030 me Juventusin, ekip që pagoi 15 milionë euro për ta transferuar nga Lille verën e shkuar.
Në fakt, disa skuadra tashmë kanë shprehur interesim për Zhegrovën dhe janë në pritje të vendimit të Juventusit për të ardhmen e tij, saktësisht trajnerit Luciano Spalletti.
