Edon Zhegrova ka luajtur komplet pjesën e dytë në barazimin e Juventusit në ndeshjen e parë të vitit 2026.
Të shtunën mbrëma, Juvebtusi barazoi 1:1 në Torino kundër skuadrës së Lecces, ndeshje kjo që i takoi xhiros së 18-të në Serie A të Italisë.
Me këtë barazim, Juventusi mbetet në pozitën e pestë në tabelë me 33 pikë, ndonëse humbi rast ideal për ta fituar ndeshjen.
Ishte sulmuesi Jonathan David që dështoi nga penalltia kur rezultati ishte 1:1 dhe kështu Juventusi lëshoi dy pikë të mëdha ndaj Lecces, ekip ku gjatë tërë ndeshjes u aktivizua mesfushori Ylber Ramadani.
Te Juventusi prej minutës së 45-të, u aktivizua Edon Zhegrova, i cili zëvendësoi portugezin Francisco Conceicao dhe pati ndikim në golin e barazimit pasi Lecce ishte në epërsi prej pjesës së parë.
Për Zhegrovën, kjo është paraqitja e gjashtë në kampionat dhe në këtë ndeshje pati minutazhën më të madhe në Serie A.
