Kryetari i zgjedhur i Komunës së Zubin Potokut, Izmir Zeqiri ka komentuar deklaratën e kryeministrit, Albin Kurti, i cili ka thënë se kryetarët e rinj në veri janë udhëheqës me “u” të vogël.
Zeqiri theksoi se do të jenë me “u” të vogël”, por që siç tha ai, rëndësia dhe veprimi i tyre do të jetë shumë i madh.
“Unë dua ta mirëkuptoj deklaratën e kryeminsitrit, mirëpo pa marrë parasysh me ‘u’ të madhe apo me ‘u’ të vogël, unë do të them që ne do të jemi me ‘u’ të vogël, por rëndësia dhe veprimi ynë do të jetë shumë i madh. Ajo është e rëndësishme. Mirëpo të shohim ditët në vijim, si po krijohen ngjarjet”, deklaroi ai në një lidhje direkte në “Ditari” në Tëvë 1.
Këtë deklaratë, kryeministri Kurti e ka bërë në Bruksel pas takimit me presidentin serb, Aleksandar Vuçiq.
Sipas tij, kryetarët shqiptarët nuk duhet të tregojnë triumfalizëm. /Teve1.info/