Besfort Zeneli do të luajë me Suedinë në Kupë të Botës ndaj Tunizisë, në orën 4 të mëngjesit të hënën.
Mediumi suedez “Fotbollskanalen” i ka pyetur gjithë lojtarët e Suedisë se deri ku mund të shkojnë suedezët në këtë botëror.
Shumica kanë thënë se Suedia mund ta fitojë Botërorin. Se do të shkojë larg mendon edhe Besfort Zeneli, vëllai i vogël i Arbër Zenelit. Besforti ka luajtur për U21 të Kosovës dhe më pas vendosi për Suedinë.
“Nuk e di nëse do ta fitojmë sepse është e vështirë të thuhet, por do të shohim. Besoj në atë që po bëjmë dhe besoj se mund të shkojmë larg. Besoj në grup, por në futboll ka shumë aspekte. Duhet të kesh fat, ta kesh ditën dhe gjithë tjerat. Por mendoj se kemi grup të fortë dhe besoj në punën që po bëhet”, deklaroi Zeneli.
