Presidenti ukrainas, Volodymyr Zelenskyy tha të enjten se Kievi ka nënshkruar “tre dokumente të rëndësishme sigurie” me Arabinë Saudite, Katarin dhe Emiratet e Bashkuara Arabe, duke i përshkruar ato si një “marrëveshje për dronë”.
“Ne kemi nënshkruar tre dokumente të rëndësishme sigurie me vendet e Lindjes së Mesme – Marrëveshjen për Dronët me Arabinë Saudite, Katarin dhe Emiratet e Bashkuara Arabe. Ato do të zbatohen përmes një numri kontratash të ndryshme si me sektorin privat ashtu edhe me atë publik të Ukrainës”, tha ai në Telegram.
Sipas tij, një nga karakteristikat e marrëveshjes janë “dronët me kosto të ulët dhe linjat e bashkëprodhimit për prodhimin e tyre”.
“Droni Shahed mund të kushtojë nga 80,000 deri në 130,000 dollarë. Ai nuk do të shkatërrohet me ndihmën e një rakete me vlerë 3-4 milionë dollarë, por me ndihmën e një interceptori me vlerë 10 mijë dollarë. Ne duam t’i ndihmojmë ata të mbrohen. Dhe do të vazhdojmë të ndërtojmë partneritete të tilla me vendet e tjera”, tha ai.
Dronët Shahed janë mjete ajrore luftarake pa pilot iraniane.
Ai tha gjithashtu se do të donte të ndante përvojën e Ukrainës në prodhimin e dronëve edhe me Shtetet e Bashkuara.
Duke iu referuar zgjidhjes së konfliktit ukrainas, Zelenskyy tha se ai këmbëngul në vendosjen e forcave ndërkombëtare në vijën e kontaktit me Rusinë.
