“Pasojat në këtë rast mund të jenë që Kuvendi i Kosovës nuk mund të miratojë amendamente kushtetues të cilat lidhen me votën e kualifikuar të Listës Serbe dhe minoriteteve. Përndryshe nuk ka ndonjë problem tjetër juridik për funksionimin e Kuvendit pas dorëheqjes së 10 përfaqësuesve të Listës Serbe”, tha Zeka në emisionin “Infonata” në tëvë1.
Më tej, Zeka deklaroi se në qoftë se Lista Serbe heziton përsëri t’i dërgojë emrat e politikanëve të cilët kanë fituar zgjedhjet për t’i zëvendësuar këta deputetë që kanë dhënë dorëheqje, atëherë sipas tij, do mbesin pa u plotësuar 10 vende vakante për përfaqësuesit serbë.
“Prandaj, nga kjo pritet deri sa të shkojmë në zgjedhje të përgjithshme”, shtoi ai tutje, raporton teve1.info.
Largimi i serbëve nga institucionet e Kosovës pasoi pas nisjes së shpërndarjes së fletëqortimeve për targat./Teve1.info/
