17:03 – Dukagjini fiton ndaj Malishevës dhe mbanë gjallë shpresat për Evropë
Dukagjini ka fituar 1-0 ndaj Malishevës në javën e 33-të në Albi Mall Superligën e Kosovës. Skuadra nga Klina ishte në start më e mirë se mysafirët, duke krijuar shanse për gol.
Rasti i parë serioz erdhi në minutën e 32-të, kur një goditje nga distanca e Khomutov përfundoi jashtë. Në minutën e 45+1-të, shtylla shpëtoi Dukagjinin, pasi ndaloi goditjen e Soboëales.
Golin e vetëm në këtë takim e shënoi Oto John dhe atë në minutën e 86-të, për t’i siguruar skuadrës së tij tri pikë, ndërsa minutat e pjesës së dytë ishin disi të mërzitshëm. Me këtë fitore, Dukagjini ngjitet në vendin e katërt me 44 pikë, ndërsa Malisheva është në të shtatin me 39 sosh.
16:01 – Zbehtë në “18 Qershori”, pjesa e parë përfundon pa gola mes Dukagjinit dhe Malishevës
Dukagjini dhe Malisheva kanë shkuar në pushim me rezultat të barabartë 0:0. Në ndeshjen që i takon xhiros së 33 të Superligës, e cila po zhvillohet në “18 Qershori” është mbyllur e barabartë pa gola mes dy skuadrave që kanë objektiva të ndryshme.
Ajo se çfarë e karakterizoi pjesën e parë të ndeshjes ishte ndërprerja e shumtë e lojës. Gjatë 45 minutave u ndërpre 10 herë, e cila statistikisht është më e larta këtë edicion, pa ndodhur me parë në ndonjë ndeshje tjetër të Superligës.
