Ish deputeti Zafir Berisha e ka ftuar kryetarin e AAK-së të kërkoj falje për deklarimin e tij se Hashim Thaçi ka qenë “turist” në luftën e fundit të UÇK-së, raporton teve1.info
Përmes një reagimi në Facebook, Berisha ka thënë se në kohën kur dikush e ka sulmuar policinë serbe, Ramush Haradinaj ka qenë duke punuar në Zvicër.
“Nuk e di se në çfarë gjendje emocionale dhe shpirtërore ka mundën me qenë në atë moment, mirëpo Ramush duhet me kërku falje për lapsusin e bërë!
Qasja provinciale me mentalitet mesjetar për luftën e UÇK-së dhe eksponentët e saj, i ka mundësuar mbeturinave të Serbisë të kthehen në pushtet nën ombrellën e sektit të LVV.
Drenica, Llapi dhe asnjë zonë tjetër e Kosovës, nuk kanë zona ku gjatë luftës ka mundën me qenë turist…
Lufta për sa e di unë nuk ka filluar me 24 mars 1999, sepse ata që u vranë para kësaj date duke përfshi edhe vllaun e Ramushit nuk do të ishin heroi të UÇK-së.
Ne që e kemi sulmuam milicin e Serbisë 1993, dikush që dihet edhe 1992, nuk është korrekte të themi që Ramushi në atë kohë ka qenë duke punuar në “baushtellë” në Zvicër!!!
Me gjithë respektin për luftën që ka bërë Ramushi me familje dhe bashkëluftëtarët e tij në Dukagjin, nuk besoj që kjo i jep të drejtë atij me u shprehë për të tjerët kështu, veçanërisht në këtë kohë kur Serbia dhe argatët e saj në pushtet, nuk po lënë gurë pa lëvizur për ta vënë në pikëpyetje luftën e lavdishme të UÇK-së dhe të arriturat e saj”, ka shkruar Berisha.
Lideri i AAK-së, Ramush Haradinaj, gjatë një intervistë në emisionin “Respublika” të Teve1, kishte deklaruar se Hashim Thaçi dhe Rrustem Mustafa kanë qenë “turistë” në luftën e fundit të UÇK-së.
Ky deklarim ngjalli shumë reagime nga ish luftëtarë dhe politikanë në Kosovë
