Është një nga veprimet e përditshëm për shumë qytetarë.
Por, ajo që nuk shihet gjatë mbushjes së veturës është cilësia e karburantit.
E sipas një njohësi të tregut të naftës, në Kosovë ka kohë që nuk janë kryhen kontrolle për cilësinë e tij.
“Deri vonë ka pas kontroll ku janë kry është bërë monitorimi i cilësisë, sa i përketë cilësisë të derivative të lëngëta të naftës, por prej vitit 2024 diku nga nëntori i 2024 nuk ka kontroll sa i përket tregut të brendshme është komplet i pa kontrollum sa i përket cilësisë ligjërisht nuk ka kontroll”, shprehet Jakup Gashi.
Por mendim tjetër kanë nga Shoqata e Naftëtarëve të Kosovës.
“Është e kontrolluar mirë, nuk mund të jem që ka ndonjë problematikë kësaj për këtë cilësisë, sepse ne jemi vend i vogël edhe marrim kryesisht nga importi, importi bëhet jo vetëm për Kosovën, por edhe për vendet e rajonit ku ne furnizohemi, kështu që nuk mund i ikë standardeve të cilat janë në Bashkimin Evropian. Mendoj se cilësia e naftës është brenda kornizave të cilat janë të ekspozuar, të tregtuar edhe në vende të tjera të rajonit dhe në Bashkimin Evropian. Ndoshta më mirë, sepse ne nuk kemi asnjë prodhim brenda vendit, nuk kemi ndonjë mënyrë që të bëhet prodhimi, një cilësi e jashtë këtij standardit”, thotë Zekim Istogu-kryetar i shoqatës.
Sipas Istogut, Kosova aplikon të njëjtat standardet si vendet Evropiane.
“Kosova i aplikohet të njëjtin standard siç aplikohet në të gjitha vendet e Bashkimit Evropian, është EN 590 për derivate të naftës, ndërsa EN 228 për benzinën. Janë të specifikuara, jashtëzakonisht qartë parametrat të cilat duhet të plotësojnë edhe kjo verifikohet nga certifikatat e furnizimit si dhe nga laboratorë i doganës, i cili në rendomo i merr mostra në botë të cilat bëjnë transportin”, thotë ai.
Përndryshe, çmimi i naftës vazhdon të mbetet i lartë, mbi një euro e 90 cent. Ky çmim të bie deri në muajin janar.
